العــــــ حبنا ـــــذري !!!

**خيال الاصايل** · منذ /22 / 05 / 2010, 42 : 02 PM

السلام عليكم ورحمة الله وبركاته .

عذرا على الغياب ....

اهدي لكم هذه القصيده عسا ان تشفعلي بعد الغياب . فمهما غبنا عن هذا الصرح الجميل . فهو باقي في قلوبنا وذاكرتنا ..

يافاتنه لو تشوفين الغلا بصدري = كان إستحيتي على دمج وجيتيني

النوم مابيّنت ملامحه بـــدري = وياليت به شي من عقبج يسليني

الليل يامطوله مايسهره صبري = واذا على خوته مابي يخاويــني

ماودي اقول بإنج موعلى خبري = ودي اقول بصراحه (( لاتخليني ))

تدرين شللي احبه فيج من صغري = ان كل مافيج يعشق كل مافيني

احب اناديج مره يابعد عــــمري = واحب اناديج مره يابعد عيــني

الزين زينج وانا صخرتله شعري = الين دوّنت من زينج دواويني

مافي احد يعشقج بين الملا كثري = ومافي احد داخل فؤادج يجاريني

اللي يميّز غلانا حبنا العــــــذري = يسري كما الدم واكثر في شراييني

الحمدلله العواذل عنج ماتــــدري = لو كانو يدرون حالو بينج وبيني

واشوه انهم مادرو عن اللذي يجري = عشان اذا طحت ماتكثر سكاكيني

متى يجي يوم انادي اخوج ياصهري = وتزول كل الهموم اللي تباريني

اخاف إنه بغيابج ينكسر ظــهري = الله يخليج لي والله يخــليني

الخد صفحه ودمع العين هو حبري = شفت شكثر في غيابج عبّرت عيني ؟

والحين يبين الغلا ياسيدة عصري = النوم لو طار من عينج ( تحبيني )

**راشد الدوسري** · منذ /23 / 05 / 2010, 07 : 09 AM

صح السانك شاعرنا المتميز خيال الاصايل
في انتظار المزيد من شعرك العذب
تقبل ودي واحترامي

**عبدالعزيز الحمود** · منذ /24 / 05 / 2010, 14 : 10 PM

اقتباس:

متى يجي يوم انادي اخوج ياصهريوتزول كل الهمـوم اللـي تبارينـي

صح لسانك اخووي خيال الاصايل
ولاهنت على القصيدة

**خيال الاصايل** · منذ /28 / 05 / 2010, 10 : 04 AM

اخي الغالي والكريم راشد الدوسري

تأكد ان مجرد مرورك على القصيده يضفي لها الكثير من الجمال ..

شكرا على المرور وعلى مجهودك الرائع ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)