يامتعب القلب قلي ويش غلطاتي,,؟

**:!شــوق!:** · منذ /09 / 03 / 2010, 19 : 04 AM

يا متعب القلب قلي ويـش غلطاتـي ,,=ان كنت انا اقدر اعدلهـا .. بعدلهـا ’’
لاصرت تجهل عناء الدنيا .. وضيقاتي ,,=من دون ماشرح لك اوضاعي تأملها ’’
الوقت ضدي .. حرمني من ملذاتـي ,,=والصد بعدك ذبح روحي .. وكملهـا ’’
لا .. لايغرك كثير الصمت .. وسكاتي ,,=خل المشاعر تقول ( الآآآآه ) وإسألهـا ’’
يسكني الحب .. واضح من عباراتـي ,,=وش عاد لجلك حروفي لـو أدللها ’’
عذبني الشوق واسرفـت بخيالاتـي ,,=روح ٍ تحبك دخيلك ليش .. تهملها ’’
ياليتك إشوي تشعـر فـي معاناتـي ,,=دنياك يمكن عليك تضيـق باكملهـا ’’
الحزن كنه سفيـري فـي علاقاتـي ,,=والهم خيّم على حالـي .. وطولهـا ’’
اغديت دربي وتاهت فيـك خطواتـي ,,=كل المواعيد مدري ليـش تجهلهـا ’’
سنين احاول وضاعت كـل حيلاتـي ,,=ماتدري اني ( حيـاة الـذّل ) مقبلهـا ’’
لاجيتك أسال وادوّر فيـك ضحكاتـي ,,=كنك تعمد بيديـك اليـوم .. تقتلهـا ’’
لا تترك الظـن يلعـب باحتمالاتـي ,,=الكلمه اللي تحزّ بخاطـرك .. قلهـا ’’
تعال شفني وحـس بحـال لوعاتـي ,,=كن الدقايق بدونـك عـام مطولهـا ’’
متى التباشير بقدوم ( الغـلا ) تاتـي ,,=فرحة زماني بشوفـك مـا تخيلهـا ’’
خلاص صبري تعـدى كـل هقواتـي ,,=اتعبت نفسي ( اعزيهـا .. وعللها ) ’’
ابيك تنسى وتدمـح كـل ( زلاتـي) ,,=بعض البشر صعب مانقـدر نزعلهـا ’’
والحين جيتك ابمسح كـل غلطاتـي ,,=دنياي دونـك وربـي ماتحملهـا ’’

محمد العسكر

**Mr Done** · منذ /09 / 03 / 2010, 21 : 10 AM

.
.

دعيهم يحبون ويتألمون يا شوق ..
لولا صد المحبين ، ونزف العشاق
لما كنتِ هنا تكتبين الأبيات ، ولا كنتُ هنا أستمع لها !

المصالح متبادلة لكل الأطراف ..
شكراً لكِ .

**ريـــم** · منذ /09 / 03 / 2010, 03 : 06 PM

دائما أثق في ذوق شوق!
وأثق أنها باختيارها ستلامس الجوف مني!
شوق:
القصيدة.. والصوت الذي في التوقيع كان لهما نصيب من ذاكرتي

يشكرك الوجدان مني

**عبدالعزيز الحمود** · منذ /09 / 03 / 2010, 55 : 06 PM

مشاغل الحياة
تُجبرنا نبتعد وننسى قصائد الغزل والعتاب

ودائما يكون لاختياراتك اثر بالنفس

يسلموو شووق

**ماجد موني** · منذ /11 / 03 / 2010, 43 : 09 AM

جميلة جداً
والتصميم رائع بألوان البحر وبعض البقايا المدفونة

الملاحظة الوحيدة هي أن التوقيع الخاص بكِ لم يكن محفوراً بشكلٍ جيّد
وبالتالي يسهل طمسه في حين حاول أحدهم نسب التصميم إليه

شكراً جزيلاً يا مصممتنا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)