من متى والجفا يعزف لحون الغرام!!؟

**خيال الاصايل** · منذ /17 / 11 / 2009, 51 : 07 AM

من متى والجفا يعزف لحون الغرام !
آمل أن تنال إعجابكم

سولفى فاح من مبسمـك عطـر الكـلام = لايردك ذهب صمتك وهمـس الظنـون.
سولفي واخجلي بصوتك هديـل الحمـام = وعلمي الليل كيف الليل يجفى السكـون.
لايطول السكـوت اللـي هدانـي مـلام = ولايطول الملام اللي ملانـي طعـوون .
انتي اطهر من الديمـه بصـدر الغمـام = وانتي الطف من الدمعه بعين الحنـون .
لو يخون القمـر ليلـن غشـاه الظـلام = شاعرك لـو يخونـه دفتـره مايخـون.
الوفـا والغـلا والشـوق والاحـتـرام = اربع اشياء في صدري تهل المزوووون .
وانتي احساسـك البـارد عليـه السـلام = يزرع الصمت والفرقا وسود الجفـون .
ماهقيـت القوافـي والمشاعـر تضـام = لين شفت المحبه فـي عيونـك تهـون !
من متى والجفا يعـزف لحـون الغـرام = من متى والغلا يكتب دمـوع العيـون .
كل طعنه علـى صـدر الامانـي تنـام = وكل كلمه على لسان المـوادع تمـون !
عقـب كـل المـوده والوفـا والهـيـام = مابقى من احاسيسك غـرام وجنـون !!
ليه احبك وانـا اللـي مالقيـت اهتمـام = العـزا للقصيـد اللـي تساقـط شجـون

**عبدالعزيز الحمود** · منذ /18 / 11 / 2009, 26 : 06 AM

صح لسانك

اليوم قصيدتك غير
امتعتنا

الله يعطيك العافية ..

**عاشق الحزن** · منذ /18 / 11 / 2009, 50 : 11 AM

صح لسانك \
بالرغم من اني مافهمت شئ ^_^\
\
تقبل مروري

**ريـــم** · منذ /22 / 11 / 2009, 48 : 12 AM

لوقلت روعة ظلمتك
فاقت حدود الروعة ياخيال
اليوم أنت غيييييير وأبياتك غير

اقتباس:


	انتي اطهر من الديمـه بصـدر الغمـام = وانتي الطف من الدمعه بعين الحنـون

وقفت أذكر الله ألف مرة هنا على تصويرك واي طهر يوازي طهر قطرة مالامست لاأرض ولاهواء؟؟

ياسلام عليك

اقتباس:

كل طعنه علـى صـدر الامانـي تنـام = وكل كلمه على لسان المـوادع تمـون !

تصوير تقف له المشاعر تبجيلا
صح لسانك ولاهنت
شاعر ياخيال ومافيك حيلة وفالك ديوان شعر يجمع ماتناثر من دررك عبر النت

**خيال الاصايل** · منذ /25 / 11 / 2009, 35 : 03 AM

معاند الوقت . انت الذي دائما غير بردوودك الجميله . جمل الله ايامك ...

**خيال الاصايل** · منذ /25 / 11 / 2009, 36 : 03 AM

اخي الغالي : عاشق الحزن

مرووورك اخي الكريم بحد ذاته يدل على نيتك الصافيه والمجبوله على الاخلاق الطيبه. صح الله بدنك ولاعدمنا وجودك يالغالي

**خيال الاصايل** · منذ /25 / 11 / 2009, 38 : 03 AM

صعبة المنال ...

الناقده الجميله التي لولاك لما كنا في هذا المستوى.. اشكرك اختي الكريمه على الاطراء الجميل . الله يجعل ايامك كلها سمحة محيا .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)